Kompleksi Memorial “Zahir Pajaziti”
Kompleksi memorial në Orllan kushtuar Zahir Pajazitit, një nga themeluesit e Shtabit të Përgjithshëm të UÇK-së, i rënë më 31 janar 1997.
Zahir Pajaziti lindi më 1 nëntor 1962 në Turuqicë të Podujevës. U përjashtua nga shkolla për bindjet e tij politike. Në vitin 1980, bashkë me dy shokë, kaloi ilegalisht në Shqipëri, ku u mbajt 18 ditë në burg në Shkodër, dhe pas kthimit u burgos sërish.[1] Mori pjesë aktive në demonstratat e vitit 1981.[2]
Në vitin 1991 shkoi në Shqipëri për stërvitje ushtarake. U kthye në Kosovë në vitin 1992 dhe punoi për furnizimin me armë të njësive në rrethinat e Orllanit.[1] Ishte një nga themeluesit e Shtabit të Përgjithshëm të UÇK-së dhe pati rol të madh në koordinimin e veprimtarisë politike dhe ushtarake, sidomos në Llap.[1]
Më 31 janar 1997, Zahir Pajaziti ra bashkë me Hakif Zejnullahun dhe Edmond Hoxhën.[2]
Kompleksi memorial në Orllan u ndërtua në vitet 2012–2014, nga Ministria e Mjedisit dhe Planifikimit Hapësinor bashkë me Agjencinë për Menaxhimin e Komplekseve Memoriale të Kosovës.[1]